| View previous topic :: View next topic |
| Author |
Message |
krmla
حملة نصرة النبى
Joined: 18 Jul 2006
Posts: 11884
Location: مصر
|
 Posted: Mon Nov 02, 2009 10:45 pm Post subject: بتنجان |
 |
|
سؤال
الحكومة اعلنت منع الاعتكاف في المساجد خوفا من انفلوانزا الخنازير وفي نفس اليوم اعلنت -الحكومة برضه- عن تنظيم حفلة لمحمد منير في الاوبرا هايحضرها 50000 مشاهد.. هم دول محصنين ولا دوكهم اللي عيانين؟
*******
قسم في الاتجاه الغلط
وزير الاتصالات زعلان ومتضايق ياعيني من انخفاض اسعار مكالمات المحمول وبيقول ده بيضر بأصول المنافسة.. هو الراجل ده مااقسمش انه يحمي مصالح الشعب ولاّ خايف على المصرية للاتصالات اللي غلت الفواتير والاشتراكات والمكالمات وعمالة بعد ده تقولنا اتكلم ارضي يابن بلدي؟.. هل تتخيل أن هناك شركات تقدم خدمات رخيصه للمواطن والوزير يعترض على ذلك؟
*******
وزير الصحة ماجاش
بجد حاجة جميلة الإعلان عن مشروع قومى لمكافحة فيروس سى في مصر بالتعاون مع أوروبا، و يا رب نقضي على المرض اللعين ده من بلدنا، لكن اللي مش مفهوم إن اللي بيعلن عن المشروع هو وزير التعليم العالي.. خير؟.. هو وزير الصحة ماجاش النهاردة ولا ايه؟
*******
اكبر كذبة
اكبر كذبة عشناها ايام الدراسة اللي قريناه في مناهج التاريخ ان العدو الاول لمصر هي اسرائيل اللي حاربتنا 4 حروب واحتلت سيناء وقتلت عشرات الالاف من ابناءنا، لكن الحمد لله اكتشفنا الحقيقة وعرفنا ان اعداءنا الحقيقين هم قطر وايران وحماس وحزب الله
*******
موقع الداخلية
وزارة الداخلية مشكورة عاملة على موقعها على النت صفحة لتلقي شكاوى المواطنين والاجانب، لكن الغريب ان الجزء بتاع الاجانب بس هو اللي شغال والجزء بتاع المواطنين عطلان، فهل هما فاكرين ان ماعندناش شكاوي، ولا المقصود اننا ننسى انهم يسمعونا؟
*******
مش فاهم حاجة
بعد حصول الدكتور محمود ابو زيد وزير الري السابق على وسام الجمهورية، الناس زاد استغرابها، هو كويس عشان كده بيكرموه ولا وحش وعشان كده شالوه من الوزارة؟؟، الحكاية دي عاملة زي موقف اللمبي في اللي بالي بالك: خد الخمسين جنيه دي وسكتم بكتم
*******
اشمعنى المنتخب
الجماهير المصرية بتطالب برخصة للافطار يوم مباراة المنتخب مع رواندا مساواة باللاعبين.. لانهم مش هيعرفوا يشجعوا من غير شتيمة.. ودى برضه مهمة وطنية
*******
تصريحات رمضانية
أتعودنا قبل رمضان وزى كل سنة على مجموعة من التصريحات الحكومية اللي تشرح القلب.. الأسعار مش هتزيد وهنستورد لحمة والكيلو ب25 جنيه، والمرور هيبقى زى الفل ومفيش زحمة.. والله الناس حفظت الكلام ده بس ناقص حاجة واحدة...: انه يتنفذ
*******
ايران المحبطة
وزارة الخارجية بتقول ان ايران.. ياعيني.. محبطة من النجاحات المصرية المستمرة، طبعا عندها حق، حتى بأمارة الخمستاشر قمر صناعي اللي اطلقناهم السنة اللي فاتت، والتسع مفاعلات نووية اللي عملناهم غصب عن العالم كله، ده طبعا غير اهم انجاز حققناه خلال العشرين سنة اللى فاتو وهو مشروع: فصل الانتاج عن التوزيع
*******
شوارع القاهرة
على من يقود سيارته في شوارع القاهرة ان يتمتع بمكر الثعالب وسرعة الفهود وجرأة الاسود ولا مبالاة الافيال ووقاحة الضباع.. وصبر ايوب
*******
نقطة الجمهور
الجماعة اللي بيقولوا ان الزمالك مستواه سيء، بالعكس الفريق مستواه بيتحسن من مباراة للتانية، بدليل انه في المباريات الأخيرة كل ماتش بيجيب لجمهوره.. نقطة
*******
ضايعيين ضايعين
كنت متردد، وعمال اسأل نفسي، يا ترى الحكومة هاتقدر تواجه الازمة المالية، لكن بعد ما قريت تصريح وزير بيقول انه مفيش تأثير للأزمة على مصر، وفي نفس اليوم وزير تاني بيقول لأ هانتأثر جدا بالازمة، وفي نفس اليوم برضه وزير ثالث بيقول لأ احنا مش هانتأثر، ده احنا هانخرج من الازمة احسن من الاول، اتأكدت اننا ان شاء الله.. ضايعيين ضايعين
*******
انفلونزا الهدوم؟
احلى حاجة فى رمضان السنة دى ان العيال لما تطلب لحمة اقولهم بلاش عشان انفلونزا الخنازير.. ولما بيطلبوا فراخ اقولهم بلاش عشان انفلونزا الطيور.. وباقى الاكل مقدور عليه.. لكن اللى قالقني حاعمل ايه فى هدوم العيد والمدارس.. هو مفيش انفلونزا الهدوم؟
*******
منقووووووووول 
_________________
اللهم اغفر للمسلمين والمسلمات والمؤمنين والمؤمنات الاحياء منهم والاموات انك يارب مستجيب الدعوات
 |
|
| Back to top |
|
 |
muslimamuslim
مراقب عام المنتدى
Joined: 13 Jul 2006
Posts: 7429
|
| Posted: Tue Nov 03, 2009 12:03 am Post subject: |
|
|
هههههههه
كله بنتجان فى بتنجان
ولسسسسسة
وحشتينا ياكرملا ووحشتنا بجد مواضيعك الجميلة دي
ربنا ييسرلك امرك يارب
_________________
 |
|
| Back to top |
|
|
محبة الإسلام
كبار الشخصيات
Joined: 16 Jan 2008
Posts: 1899
|
| Posted: Thu Nov 19, 2009 4:52 pm Post subject: |
|
|
ههههههههههههههههههههههههههههه
لاحول ولا قوة الا بالله
ايه ده يا كرملا
_________________
 |
|
| Back to top |
|
|
special rose
عضو متميز
Joined: 22 Oct 2008
Posts: 419
|
| Posted: Fri Nov 20, 2009 6:26 pm Post subject: |
|
|
هههههههههههههههه
جميلة جدا يا كرملا
تسلم ايدك |
|
| Back to top |
|
|
special rose
عضو متميز
Joined: 22 Oct 2008
Posts: 419
|
| Posted: Fri Nov 20, 2009 6:27 pm Post subject: |
|
|
هههههههههههههههه
جميلة جدا يا كرملا
تسلم ايدك |
|
| Back to top |
|
|
شاعرة القمر
كبار الشخصيات
Joined: 02 Mar 2007
Posts: 1085
|
| Posted: Fri Nov 20, 2009 11:20 pm Post subject: |
|
|
انا حزينة اوي على اوضاعنا
تسلمي يا كرملا بجد
وربنا يرفع عننا البلاء
_________________
 |
|
| Back to top |
|
|
|
