منتدى الأحلام

[دمعة أسيرة]

همسات الحنين

عندما ينتهى كل شئ وتنقطع كل العلاقات لايبقى لنا غير هذا الصوت الذى كان يهمس فى الأذن بأرق الكلمات ولكن

رغم رقة الكلمات أصبحت مجرد كلمات لم تتحول إلى واقع ولكن عندما نبدء فى الواقع ونحى الحياة وتأخذنا الحياة بما

فيها من مشاكل وفى بعض الأحيان نشعر بهمسات حنين لهذا الحب الذى ضاع ولكن هل هذا الحنين يعتبر خيانة!!

لنبدء لنحلل لماذا همس هذا الصوت بداخلنا من جديد:

1-هل هو حنين لمن كن نحب ونتمنى أن نعيش معه الحب من جديد ونعوض ما ضاع منا!

2-هل هو حنين لنكتشف أن هناك شئ خطأ نقع فيه من أجل أن نصحح هذا الخطأ حتى نشعر بالسعادة فى حياتنا الجديدة!

3-هل هو حنين لأيام كانت فى يوم من الأيام جزء من حياتنا ولا يمكن نسيانها حتى ولو كانت سبب فى جرحنا!

[دمعة أسيرة]

الموضوع المطروح لنقاش هو

الغربة بين الازواج ومدى تاثيرها عليهما

[دمعة أسيرة]

بسم الله الرحمن الرحيم

۩ღ۩ الغربة بين الازواج ومدى تاثيرها عليهما ۩ღ۩

وأسمح لى أن أقول الغربة بين الأزواج هى البداية فى نهاية العلاقة الزوجية وليس معنى النهاية التى أقصدها الطلاق ولكن نهاية الحياة الزوجية رغم الأستمرار فيها

الغربة

البداية يريد الرجل أن يكون أسرة ويبنى بيت حتى يستقر وتكون له حياته ويبدأ فى البحث عن عمل ويفكر فى السفر حتى يوفر مصاريف الزواج وفعلاٌ يسافر ويبنى البيت حتى يبدأ الحياة السعيدة والمستقرة ولكن مستقرة لمدة شهر وهى مدة الاجازة يعود إلى العمل لمدة عام ويعود للأستقرار المؤقت من جديد ولكن عندما يعود يجد طفله الصغير جاء إلى الدنيا ويبدء التخطيط لمستقبل الطفل يبدء فى التفكير هل أخذ زوجتى وطفلى معى لنعيش حياتنا ولكن كيف ؟
سوف أحتاج إلى سكن خاص وهذا سيؤثر على الدخل والحل تبق الزوجة هنا هى والطفل وأبعث لهم مبلغ من المال حتى أستطيع أنا تأمين المستقبل لهم وتستمر عجلة الحياة هو يأتى بالمال والزوجة تربى الطفل ومع مرور الوقت يصبح هدف الزوج توفير المال والزوجة تربية الأطفال وكل من الزوجين تعود على الغربة لدرجة تجعل الزوجة تطلب من زوجها السفر لو فكر أن يمد الأجازة فهى تعودت على وجوده فى حياتها فترات معينة!
فهذه الزوجة تأقلمت على الوضع وتعيشت معه ولكن هناك من لا تستطيع وتشعر أن عمرها يسرق منها وتفضل الطلاق على هذا الوضع الغربة هى البداية فى نهاية الحياة الزوجية
أنا لست ضد الغربة ولكن يجب على الزوج أن يأخذ زوجته معه حتى يكون معنا على الحلوه والمره تقف بجانبه فى وقت الشدة قبل الفرح تعينه على ضغوط الحياة توفر له البيت الأمن يشعر معها بالمودة والرحمة
والغربة ليست شرط أن تكون غربة بالبعد عن الوطن ولكن من الممكن أن يكون الزوج والزوجة فى بيت واحد ولكن يعيشوا فى غربة حيث يشعر كل من الزوجين أن الحياة بينهم أصبحت مستحيلة ولكن كل واحد منهم ملتزم الصمت الزوجة تفضل هذه الحياة على أن يقال عليها مطلقة الزوج يفضل هذه الحياة من أجل الأولاد ولكن هل هذه حياة ؟
أظن أن التضحية التى يقوم بها كل من الزوجين خطأ فى حق أنفسهم وحق أولادهم فالزوجة ستأتى عليها لحظة تندم على كل ما ضاع من عمرها مع هذا الرجل وكذلك الزوج سيأتى عليه لحظة يندم على كل ماضاع مع هذه المرأة والنتيجة بيت مفكك أطفال لا يعرفوا معنى الحب لأنهم لم يروا هذه الكلمة فى بيتهم
وأظن أن هذه الغربة أشد قسوة من غربة الوطن

[muslimamuslim]

بصي يادمعة واحدة واحدة كدة

ناخد نقطة نقطة
_________________

[muslimamuslim]

[muslimamuslim]

الموضوع التاني بتاع الغربة بين الازواج

انا مش هفتي فى اوى يا دمعة

بس لو الزوجين مرتبطين ببعض وعندهم هدف شاغلهم بيتهيالي مش هيحسوا بدا

اه اوقات الحياة بتضيق وبتبقي رتيبة ومملة

بس هم بيجددوها لو بيحبوا بعض وبيحافظوا على بعض

وربنا يحفظ بيوت المسلمين اجمعين يارب

جزاكم الله خيرا كثيييييييراااااااا

ربنا يبارك فيكي يادمعة
_________________

[zaza fazaza]

من تجارب كتير يادمعة انا شفتها
استمرار الزوجين وبينهم غربة افضل بكتير من بعدهم فى وجود الابناء
لان الابناء لما بيعيشوا مع طرف وحد والطرف التانى لسه عايش بتبقى نتايجها سلبية جدا
والله اعلم
_________________

[دمعة أسيرة]

الموضوع المطروح لنقاش هو

تقدم سن البنت بدون زواج

[دمعة أسيرة]

حينما يتقدم سن الفتاة يبدء المجتمع الذى نعيش فيه يجعلها فى ضغط نفسى رهيب سوء بالأسئلة أو بجعلها تشعر أن فرصتها فى الزواج بدءت تقل ويجب عليها قبول أول رجل يتقدم إليها لأنها لن تجد غيره أو أن تقبل أن تتزوج بمن هو أرمل أو مطلق أو أكبر منها حيث يكون هذا أفضل حال لها من أن تظل فتاة بلا زواج
أفضل !!!!!!!!!!!
أتعجب لهذا المجتمع لماذا هذا الضغط على أعصاب الكثير من الفتيات وكأن لهم ذنب فى هذا الوضع الذى يعيشون فيه وكأنهم هن اللائى ارتضوا لأنفسهم هذا الوضع
أنا لست ضد زواج الفتاة بمن هو أكبر منها أو مطلق أو أرمل ولكن لماذا تزوجته؟
لأنها وجدت فيه ما تبحث عنه فى شريك حياتها أم تزوجته لمجرد الحفاظ على ماء الوجه حتى لا يقال عليها عانس وهنا الدخول لمشكلة جديدة حيث من الممكن أن تخرج من نطاق العوانس إلى المطلقات
وهذا الكلام جعلنى اتذكر كلمة سمعتها من أمرأة كبيرة وهى
أن المطلقة أفضل حال من العانس
وتعجبت لهذه الكلمة كيف ذلك ؟
حيث أنا أرى أن طلاق المرأة شىء صعب على المرأة تحمله
ولذلك أجد أن الفتاة التى لم تتزوج أفضل حال

[muslimamuslim]

شفته فيييييين شفته فييييين قبل كدة داااااا

بيتهيالي الموضوع دا بقي فى كل البيووووت

وبقي شاغل ناس كتييير جدااااااا

كلماتك جميييلة يا دمعة ومعبرة جداااا

انا اكتر حاجة لفتت نظرى الكلمة دي


"حيث أنا أرى أن طلاق المرأة شىء صعب على المرأة تحمله
ولذلك أجد أن الفتاة التى لم تتزوج أفضل حال"


وانا مع الجملة دي جدااا

لان البنت بطبعتها مشاعرها رقيقة جدا وهي فى غني عن انها تنجرح

حرام تعيش اسيرة جرح طووول عمرها

انما البنت اللى متجوزتش هتكون عايشة لسة فى احلامها الوردى وبسس

مش هتعاني من الم تجربة وفشلت

اه ممكن يضايقها كلام الناس زي ما بتقولى

بس المفروض انها تكون قوية بايمانها بالله سبحانه وتعالى

وتبقي على يقين بان ربنا هيرزقها اللى يستهالها مهما تقدم بيها العمر

ولو نفترض انها مرزقتش دا

ربنا بيرزقها كل يوم نعمة الحياة نعمة البصر نعمة انها ماشية على رجليها قوتها كل يوم

عمره ما منعها رزقها طوال حياتها

لما يجي ياخر شيء تبقي نهاية الدنيا ؟؟؟؟

بالعكس دا يزيدنا ايمان اكتر وتقربا لله سبحانه وتعالى

عارفة انا اوقات بقول ان عدم ارتباطي الى الان فعلا نعمة علي من عند ربنا

انا كان معايا اسطف كامل من بنات المسجد

كلنا بفضل الله محفظات قرآن كريم

وكلنا شعلة نشاط

دلوقت كل واحدة فيهم اتجوزت بقي ليها رسالة تانية بتؤديها

وكل واحدة تكلمنى تقولى انتى فى نعمة

انا مبقتش اقدر اقوم الفجر

مبقتش اقدر على كذا وكذا

لما بسمع منهم دا

بجتهد اكتر واعمل على اد ما اقدر واقول دا رصيد ليا

عشان لما ارتبط يبقي انا عملت كل شيء نفسي فيه وقربت فيه من ربنا

وبجد كل ما يمر عليا الوقت

بزيد نضج وفكري بقي افضل بكتيير

كمان ايمانى و اهدافى من الزواج بقيت اسمي وكل يوم بتزيد وتكبر

وبدعي ربنا انه لو رزقني زوج صالح باذن الله احق الاهداف دي

والله لو كنت ارتبط من كم سنة فانوا لكنت فشلت

ودا بسبب قلة خبرتى وكمان كنت هرتبط زي اي واحدة وخلاص

ارتباط عادي بانسان عادى وحياة عادية

والله انا الى الان فعلا كلي يقين وثقة فى ان ربنا هيحققلى اللى انا عاوزاه

خاصةلانى دلوقت بقى ليا هدف وهو ارضاء الله سبحانه وتعالى

وان لو شاركني انسان حياتي هتكون دي حياتى وباذن الله مش هتتغير

الرسالة كبنت شابة لم تتزوج رسالة عظيمة والرسالة كام اعظم واجل بجد

بس مربط الفرس فى الانسان اللى هيشاركني حياتى

ياتري اقبل باي حد وخلاص ؟ واتنازل عن هدفي؟؟

ولا اصر على هدفي مهما كانت العقبات ؟؟؟

لذلك انا شايفة اصراي على الهدف واني امشي فى طريقي زي مانا وبدون اي ضعف مني

اقسم بالله انا على يقين بان ربنا هيعوضني ويعوض كل بنت وقفت كدة خير

الحكاية مش جواز وخلاص

غيرنا اتجوزوا وخلاص ومبقتش حياتهم صح

يمكن دا انا بشوفه مع صحباتي فى المسجد اللى تزوجن والبنات العادييين

بنت المسجد على اد انشغلاها وممكن تكون قلت طاعتها بسبب ان مفيش وقت ومسئولية جديدة عليها

انما ليها نظرة تقول دا لا حرام ودا اه حلال

بتربي ولادها صح

اما التانية فبتربي بنتها على الاغاني وتضيع ولادها من بين ايدها من غير ما تقول حلال او حرام

تحسي انها فى غفلة

ووالله نعمة الاسلام والايمان بالله دي اعظم نعمة وكفي بها نعمة

لذلك انا شايفة ان كل ما الموضوع يتاخر بيزيدنا ايمان ويزيدنا طاعات وبنزداد قرب لربنا سبحانه وتعالى

وما فى شيء ربنا بيدبره الا بيكون فيه الخير لينا

وعشان كدة علاج النقطة دي هي الايمان من جواكى بجد بربنا و خلي ظنك بربنا خير وهيكون هو عند ظنك

وان كان ليكي هدف تمسكي بيه مهما ضاقت الدنيا عليكي ومهما اتقال من كلام

اعملى كانك مسعتيش ارمي ورا ظهرك واثبتي

واياك انك تقعي او تضعفي ادام اي حد وتقولى هارتبط ارتباط غير شرعي لعلى اضمن زوج

والله الضمان هو ربنا مش الى بتدورى عليه وتمسكي فيه وخلاص

واخير هقولك هي كلمة خلاصة

" هل جزاء الاحسان الا الاحسان؟"

مش معقول هتكون البنت محافظة على نفسها ومبادئها وليها هدف وبتقرب من ربنا وبترضيه على اد ما تقدر

ويكون المقابل ان ربنا ميدهاش خير

بالعكس دا كل امرها خير

وان اخر رزقه والله فهو حاجة من اتنين اما شايلك حاجة اعظم ويختبر صبرك

اما انه بيدخرهالك عنده فى الجنة

وفى الحالتين انتى كسبانة

الموضوع دا يمكن عامل قلق لكل البنات

وووالله ما فىىىىى بنت الا وتقولى نفس الكلام

وبجد بقى الموضوع الشاغل لكل البنات

وكمان الامهات

لانهم معذروين خايفة بنتها ميجلهاش عريس وتعنس زي ما بيقولوا

خوف الام دا طبيعة بس بجد ياريت الامهات يصبروا وميضغطوش علينا كدة لان الموضوع فى ايد ربنا مش فى ايد حد

وزي ماقلتى كدة يادمعة


البنات ملهمش ذنب

والله البنات زي الفل وتمام التمام بس دا بيكون اختبار وربنا بيشوفك هتضعفي ولا

عشان كدة خليكي اد انك تقفي قصاد ربنا يوم القيامة وصحيفتك مفهاش

انك صاحبتي فلان او علان عشان خفتي لميجلكيش عريس

والله يومها هيكون شكلنا وحش اوىى

ماذا لو سالك وقالك فى يوم انا ماكلتكيش ؟؟ هيكون ردك ايه؟؟

فى يوم مخلتكيش تتنفسي فى هوايا ؟؟؟ هيكون ردك ايه؟؟؟

فى يوم اخدت منك نعمة من نعمي؟؟ سواء نعمة البصر الشم اللمس المشي اي نعمة من نعم ربنا؟؟؟

لما يكون ردك على كل الاسئلة دي لا لا لا

ماذا لو قالك ؟ لما انا رزقتك دا كله خفتي ليه على رزقك فى الزواج واغضبتيني ؟؟؟

هتردى تقولى ايه؟؟؟؟؟

بجد هيبقي يوم صعب علينا

كفاية نروح بالذنوب اللى اصلا كلنا بنعملها وبنفضل نستغفر عنها طوال حياتنا

كمان هنروح بكبيرة زي دي؟؟؟

لازم يكون عندنا خشية الله وايمان بيه

بجد مش هتكوني اكرم من ربنا فى حاجاة زي دي

انتي تتقيه وهو يمنع عنك

والله لو منع عنك لهيكون خير ليكي وملكيش حق تزعلي

احنا مسلمين

وكلمة مسلمة يعني مسلمة له فى كل شيء

يجيبك يمين شمال انتي راضية

يوقع عليكي بلاء تصبري يديكي نعمة تحمدي

ياريت كلنا مننساش اننا مسلمات ومننساش ان فى رب بجد اكرم مننا جميعا

ومننساش حسن الظن بالله

موضوعك جميييييييييييل يادمعة بجد

ويارب يثبتنا جمييعا يارب ويغنينا بحلاله عن حرامه

ربنا يبارك فيكي يارب ويعزك ويسعدك يارب

وفى انتظار باقي الاراء
_________________